انا كنت وعدت بانى هعمل برتى صغير بمناسبه عيد ميلادى على المدونه

والحفله دى هى عباره عن موقف من خيالى

بين تيمون (اللى هى ندى صاحبه مدونه ترقيعووو) و بومبه (اللى هو انا صاحبه مدونه فناكيش البنات)

اسيبكم مع احتفاليتى بعيد ميلادى

مش عارف
مالك بس يا صحبى
اهدى كده وقولى فى ايه
خلاص يا تيمون كمان خمس سنين هيكون عندى ربع قرن يعنى انا با عندى عشرين سنه
عارف با يعنى ايه عشرين سنه ايوه يابنى ربع قرن
قولى ياتيمون هما عشرين سنه دول اد ايه
مش عارف بس متهيالى هما كتير
وانا اعد اقول بردو هو انا ليه حاسس انى بقالى كتير عايش
يظهر انى خلاص عجزت يا تيمون وخلاص قربت اموت
لا يابنى عشرين سنه دول يعنى انت لسه شباب
انت ليه مكبر الموضوع كده يا صحبى
مش عارف بس انا حاسس ان عشرين سنه عدت من عمرى وانا مش عملت حاجه
يظهر ان حياتى مش ليها قيمه
مش تقول كده يا صديقى الصدوق انت ليك قيمه كبيره اوى
كفايه انى صحبك
بجد يا تيمون انا ليه قيمه
مرسيى يا تيمون انت دايما تحاول تسعدنى بس انا بردو
خايف
هيقولى خايف خايف من ايه بس يا بومبه
خايف العشرين سنه الجايه يعدو كده زى العشرين سنه دول
وخايف اكتر انى اموت من غير ما اعمل حاجه اقابل بيها ربنا
او اسيب بصمه فى الدنيا الناس تفتكرنى بيها
متخفش با يا بومبه وبطل غبا وان شاء الله العشرين سنه الجايه
تعمل اللى انت عايزه وتسيب البصمه اللى انت بتقول عليها دى
بومبه!!
هو يعنى ايه بصمه؟!!
بصمه بصمه دى مش عارف بس انا سمعتهم بيقولو كده
قولت اقول زيهم بس تقريبا هى حاجه مهمه
بومبه انت عنيك مدمعه ولا ايه مالك يابنى قلبتها غم ليه كده
اصلى زمان كنت فاكر الحياه وردى عن كده
بس طلعت فسدقى وانا مش بحب اللون ده
متزعلشى يا صحبى مش كل حاجه بنتخيلها بتطلع صح وبعدين كلها اللوان
قوم با وبطل هبل
ويلا روح جبلنا تورتت خنافس
علشان نحتفل بعيد ميلادك
كل سنه وانت طيب يا صحبى وعقبال الف سنه

التلفزيون
انا وانتى اونت
ام او اب ابناء المستقبل
مستقبل لينا ايد كبيره اوى اننا نغيره بايدنا
باننا نربيهم صح نربيه على معانى كتيره يمكن مفقتقدينها فى حياتنا
كتير منا بنقول ليه لى البنات اتغيرت بات لبسه ومش لبسه و ليه الرجال افتقدو كتير لمعانى الرجوله و
من معانى كتير قربت تختفى
اكيد ده راجع لحاجات كتير اوى
منها التلفزيون او بالاصح المفسيد يون
بجد فسد حياتنا بييورونا حاجات غصب عنا بنتاثر بيها
سواء البنات بتاثر بالملابس اللى فى نظرهم ترى شيك

او بتاثر بالقصه الرومنسيه الفاظيعه اللى شفتها فى التلفزيون وتبا هتموت وتعيش زيها

نفسها تحس المشاعر اللى ناس دى عيشاها يعنى هى مش ليها نفس
من كتر حبها انها تعيش المشاعر دى بيا عندها عادى لما تكلم فلان او تمشى مع علان هى نفسه تعيشهلها قصه يعنى ايه هى مش بنادمه زيهم عندها مشاعر
انا مش بقول انها وحشه ده شى طبيعى احنا البنات بنتاثر باى حاجه

يعنى لو البطل ادا البطله قلم رومانسى كده تلاقى دموعها نزلت من غير ما تحس
ده شى طبيعى هو ربنا خلانا كده
حتى بعد ما البنت بتجوز بتشوف ان لازم الحياه بعد الجواز رومنسيه ولازم كل يوم ورده وخروجه وحاجات كتير مالى بنشفها فى التلفزيون

انا مش بقول ان ده مش بيبا موجود هو لازم يكون موجود اساسا
بس الحياه مش بتبا كده بالظبط اكيد بيبا فى مشاغل ومشاكل
بتخليها تشوف ان الجوازه كانت غلط من الاساس
وانها اتجوزت واحد مش بيحس اساسا
يعنى التلفزيون بيوظ حياتها قبل وبعد الجواز
ده بالنسبه لبنات
اما الولاد فى اكيد اثاره كتير مش تعد انا مش هكتب عن اثره السى على الولاد
هرجع بس لاساس الموضوع
وهو اننا اولياء امور جيل المستقبل
انا بس عايزه انصح نصيحه
انا مش لازم نخلى لتلفزيون اساسا فى حياتنا
مش لازم ندخله بيوتنا من الاساس
لانه هيفسدنا حياتنا بجد
وانا عايزه اردعلى كلمه وحده هتقولها بعد ما تقرو الموضوع
التلفزيون التلفزيون سلاح ذه حدين
بس اللى يستخدمه صح
انا بقول لا هو سلاح فاسد فى جميع الاحوال
حتى لو بنستخدمه فى البرامج الدينيه والنشرات
فهو بردو بيطع الوقت
لانها بتاخد وقت كبير من حياتنا لازم نعقد ادامه ونبص على الشاشه بالساعات

مع اننا ممكن نستبدل الساعات دى بانا نجيب شريط نسمعه فى ساعه

بدل ما نسمع برنامج ندخل من على برنامج
ده لو كنا بنستخدمه صح اساسا
واقل حاجه نعقدها هتكون ساعتين ان مش كان 4 او 5
ده طبعا بعد الشغل والنوم هتلاقى اليوم خلص مش فى وقت اعقد مع ولادى او اقراء كتاب او اعمل اى حاجه
بجد التلفزيون قضى على التماسك الاسرى

لان لما الاسره بتجتمع وده قليل علشان ظروف الحياه بتجمع حوليه مش بتاعقد مع بعضها يتكلمو ويسمعو بعض

انا من رايه انه اثره سلبى اوى علينا
انا متهيالى ان التلفزيون لازم يخرج من حياتنا لابد

الموبيل

الو
الو سها
لا انا مش سهاانا احمد
طيب ممكن نتعرف
انتى مين
انا شروق
عندك كام سنه يا شروق
تدينى كام
15 سنه مع ايقاف التنفيذ
ههههههههههه برافو عليك عرفت ازاى
الصوت بيقول بردو
انت منين يا احمد
انا من ابو زعبل
وانتى
انا من سجن النساء هههههههه
انتى اللى سكنه فى الشباك اللى هناك ده
انت شايف السجن بتعنا من عندك
اه
انا با سكنه فى الزنزانه اللى جنب الشباك ده ههههههههه
انتى جبتى نمرتى منين ولا انتى عرفانى
لا انا عرفاك وشفتك من زمان
والله شفتبنى فين
شفتك فى موبيل واحد صحبى
وايه رايك فيا با
انت فيك حاجه مختلفه كده تحسك طويل عن اى حد
فى دماغه بيقول البت دى عبيطه ولا ايه دنا قزعه
اه فعلا انا طويل خالص
ده بس تعليقك عليا
لا طبعا
وكمان لم الواحد يشوفك يحس انك فيك حاجات كتير شبه بعض
فى دماغه بيقولو ازاى يعنى
ليه ودانى شبه عينى
بصى وهو انتى متاكده ان انااللى شوفتينى فى موبيلك صحبك
لا طبعا
انا بكلمك على رقم موبيلك

ومكلمات كلها فى الكلام الفاضى ممكن تلاقى المكلمه من اوله لاخره مش فيها كلمتين على بعض ركزين
يمكن البنات والولاد اللى بيعملو كده بيبو عارفين انهم هم بيقضو وقت وانهم بيضحكو على بعض من الاخر بيتسلو وتلقيه عاقده فى وسط الشله ومشغله السبيكر وبتضحك هى وصحباتها عليه وهو كمان مجمع اصحابه وبيعمل نفس الشى
لاسف اننا بنشوف الحاجات اللى مش متشافه من الناس انها مش عيبا
هى لو تعرف ان الناس الصبح هتعرف بالى بتعمله كانت مش عملته بس هى شايفه ان الموضوع تهريج ومش لازم بكده انها مش تكون محترمه
على فكره فى ناس بنات وشيفين الموضوع عادى ومش فيه حاجه
بدال مش بتقبلو ولا بيخرجو مع بعض يبا خلاص ايه العيب
وهو شايف انها وحده فاضيه وعايزه تسلى فهو كمان لازم يتسلى
بس هم نسيو ان ربنا شيفهم ومطلع عليهم
ونسيو اهلمهم اللى لو عرفو هيبو مبسطين هيقولو يا زين ما ربينا وخلفنا ولا لما يعرفو هيقولو يارتيك ما جيتى لدنيا من الاساس
ونفس الكلام هو
انا عارفه فين ناس كتير هتقول مفيش حد بيعمل كده وبيكون محترم
بس لا فى ناس كتير من بره محترمه لكن ممكن تعمل كده بكل بساطه
ربنا يهدى كل البنات اميييييييييييييييييين

الــــــــــــــــــــــــشــــــــــــــــــات
يمكن اول موقف هيكون عباره عن مسلسل من الاحداث اللى بتحصل كل يوم مع بنات كتير ومنهم بنات بتكون بتسلى وبتضيع وقت فى اى كلام
اوبنات بتكون بجد رقيقه وبريئه واخده الموضوع بكل طيبه ومش وخده انه اسلوب لتعارف ولا حاجه بس بتلاقى الموضوع اتقلب لحاجه تانيه خالص
شات روم اسلامى
السلام عليكم
وعليكم السلام
ممكن اسالك سوال
اتفضلى
هى الاغانى حرام
اه حرام وده بنص القران الكريم
(وَمِنَ النَّاسِ مَنْ يَشْتَرِي لَهْوَ الْحَدِيث)ِ
ولهو الحديث ده من المقصود به الاغانى
انا متشكره اوى واسفه على الازعاج
طيب ممكن اضيفك عندى
اه اتفضل
طيب ممكن اعرف اسمك
انا سها
سلام

المره التاليه

السلام عليكم
ازيك
الحمد لله
لسه بتسمعى اغانى
انا بحاول ربنا يعينك
انتى بتصلى الفجر
لاو الله بس نفسى اصليه بس مش بقدر اصح
طيب انا ممكن اسعدك
ازاى
انا ممكن اخد نمرتك وارن عليكى كل يوم الفجر لحد متبقى تكنسلى هعرف انك صحيتى
انا بجد متشكره اوى
انا حسه انك زى اخوى باظبط
اااااااا
ااااااااا
سلام سلام

المره اللى بعده

ازيك ازيك
انا مخنوفه اوى ليه مالك احكيلى مش انا اخوكى
اصل وفصل واكان وكونا
اااااااااااااااااااااااااااااااا
تعرف انا لما حكتلك ارتحت اوى
ومتشكره اوى انك سمعتنى ونصحتنى
ازى تقولى كده
احنا اخوات
وبعدين انا مبسوط ان بقا ليه اخوت خصوصا انى مش ليه اخوات بنات
اااا
ااا
سلام سلام

المره التاليه

ازيك ازيك
انتى كنتى فين الفتره دى كلها انا قلقت عليك اوى
بجد
والله
معلش كان عندى ظروف
وبعد الحديث الطويل فى الكلام الكتير
ممكن اسالك سوال
اتفضل
هو انتى مرتبطه
لا
بس ليه
سوال بري صدقينى
منا عارفه
ممكن اشوف صورتك
بري بردو
هتدخلى بكره
اه اكيد طبعا
وشويه شويه وبعد الكثير من الكلام والمواعيد
وبعد ماتكون هى خلاص اتعلقت بيه وربطت كل مشاعره بتكون النهايه مابنهم كالتالى
انا عايز اقولك حاجه وخايف تزعلى
لا قول
انا بجد اتعلقت بيكى اوى بس انا اسف مش هقدر اكمل لانى انا لسه قدامى كتير اوى ومش عايز اظلمك معايا
بينهى الموضوع بكل بساطه وبس هى مش بيعدى عليها بالبساطه دى(ده ممكن يكون النهايه اللى هو بينهيها دا لو كان مش بيتسلى بيا وده احتمال ضعيف )
لكن لو بيتسلى ممكن تكون النهايه كالتالى
انت مش كلمت بابك فى موضوعنا
كلمته بس انتى عارفه رده بانى لسه صغير
وبعد انا لسه فى اوله كليه وانتى فى ثانويه ممكن تستنى عليه شويه
اوالنهايه كالتالى
انتى كنتى بتكلمى ولاد على النت قبلى
اه اخوات
اخواتك زى كده
لا انا اسف انا كنت عايز وحده اكون اول واحد فى حياتها

النهايات كتير ومن الاخر هما مش بيغلبو علشان يلاقو نهايه لموضوع وانتى اللى بتنضرى فى الاخر
لاسف البنات بطبعهم رومنسى ورقيق وسهل اوى انه يتاثر باى كلمه رقيه او مشاعر
بس بتبا غلطتها الكبيره انها تفتح الباب من الاساس لحاجات دى
بلاش تكلمى ولد على النت وفى الاخر تقولى جرحنى وكدب عليه وكنا بيتسلى وانا اللى صدقت
بلاش تحطى نفسك فى موقف تكونى فيه محتاره ياترى صادق ولا بجد ياترى هنكمل ولالا
بس فى الاغلب الموضوع مش بيكمل وبتكونى انتى اللى لعبتى بمشاعرك وهنتى كرمتك مش هو اللى عمل كده
انتى لو مش فتحتى الباب من الاساس مش كان هو عمل كده
غير انك بتكونى خونتى الامانه وهى انك بتكونى بتعملى حاجه اهلك مش متخيلين اانك بتكونى بتكلمى ولد على النت وبتقولى كلام مش ينفع يتقال
انتى اغلى اوى من ان لما واحد يحب يكلمك يضغط على زار يكلمك ولمايزهق او يجى الماتش او بنت تانيه دخلت يضغط على الزرار وينهى الكلام
انتى اغلى بكتير اوى من كل ده

بسم الله الرحمن الرحيم

ان شاء الله مدونتى هتكون عن البنات
يمكن المدونه يكون فيها شويه انتقاضات لبنات النص الكم
بس والله نقدى ده من حبى ليكم فى الله
ولانى عارفه انتم ادايه غلين عند ربنا والرسول
ويا اجملكم لما بتكون درر مصونه بحاجبكم وبمراعتكم لسنن النبى ولكلام الله عز وجل
ولانى نفسى تكونو كده دايما وتكون دايما اغلى شى فى الوجود
واكيد انا مش واعظه او افضل منكم ولا حاجه
بس انا حبيت انقل ليكم شويه حاجات كنت بشفها من البنات وكنت بحزن لانهم يوصل لدرجه دى من التفكير
او الاسلوب
واكيد الحاجات دى مش موجوده فى كل البنات
بالعكس فى بنات كتير فيهم خير وصلاح وبيتقو الله بجد
من الاخر بنات كم كامل
وان شاء الله مدونتى هتكون عباره عن شويه مواقف وكل موقف هيكون عليه تعليق
يارب مدونتى تعجبكم ومش اكون تقيله عليكم فيها